«Կենգուրու» մաթեմատիկական մրցույթը մեկնարկում է

Ինչպե՞ս մասնակցել «Կենգուրու 2024» մրցույթին

  1. Ծանոթանալ մրցույթին մասնակցելու անհրաժեշտ պայմաններին՝ կարդալով մրցույթի կարգը՝ https://contests.am/wp-content/uploads/2021/02/2024-02-15_Rules_KNG.pdf:
  2. Մրցույթի մասնակցության վճարը կազմում է 970 ՀՀ դրամ,
  3. Մրցույթին գրանցվելու և վճարումը կատարելու համար կա առցանց վճարային միջոցներով տարբերակ`ցանկցած բանկային քարտով հենց հարթակից ևկամ ԻԴՐԱՄ հավելվածով՝ https://youtu.be/zMcRrSpGI8k։
  4. Մրցույթին գրանցվելու և վճարումը կատարելու համար կա տարբերակ վճարել առկա՝ բանկում՝ բանկի հաշվեհամարը՝ 1570093216780100, «Ամերիաբանկ» ՓԲԸ, շահառու՝ «Քոնթեստս Լաբ» կրթական ՀԿ, նպատակ դաշտում նշելով մրցույթի անունը, աշակերտի տվյալները՝ աշակերտի անուն ազգանուն, դասարան, դպրոց:
  5. Վճարումն առկա կատարելու դեպքում, պետք է գրանցվել հարթակում ընտրելով կտրոնը կցելու տարբերակը՝ https://youtu.be/kZnnfnwpUo4
  6. Մրցույթին գրանցվելու և վճարումը կատարելու համար կա տարբերակ վճարել առկա՝ տերմինալներով, փնտրելով Կենգուրու կամ Contestslab բառերը։
  7. Գրանցումը ճիշտ կատարելու համար դիտել այս ուղեցույց-տեսահոլովակները՝ https://www.youtube.com/playlist?list=PL-DldcyP0nWFZgFA0Z2abb6ROCcIsdgkd։
  8. Մրցույթին գրանցվելու կամ մրցույթի հարթակ մտնելու համար այցելել https://test.contests.am/hy
    • Եթե արդեն գրանցված եք հարթակում և ունեք հաշիվ, ապա ևս մեկ անգամ գրանցվելու կարիք չկա։ Ձեզ միայն մնում է պրոֆիլից փոխել մրցույթը՝ ընտերլով Կենգուրուն և կատարել վճարում՝ https://youtu.be/XLDj9uhX724:
    • Եթե դեռ գրանցված չեք հարթակում, ապա անհրաժեշտ է սեղմել «Գրանցվել» կոճակը և ուշադիր լրացնել բոլոր դաշտերը։ Այնուհետև բացվող պատուհանում մուտքագրել հեռախոսին եկած 5-նիշանոց կոդը:
  9. Այնուհետև կամ առցանց վճարում կատարել կամ գրանցվել կտրոնը կցելով:

–    Կարող եք վճարել նաև՝

  • առցանց՝ բանկային քարտի միջոցով,
  • բանկում կամ տերմինալով՝ անդորրագիր կցելով։ Դիտեք ուղեցույցը՝

–    Ուշադրությո՛ւն։ Մրցույթի համար վճարում կատարելով՝ Դուք հաստատում եք, որ ծանոթացել եք մրցույթի կարգին և համաձայն եք դրան։

  1. Հիշել այն էլ. հասցեն և գաղտնաբառը, որոնք լրացրել եք գրանցվելիս, քանի որ հետագայում Ձեր էջ մտնելու եք հենց այդ տվյալներով

– Եթե գրանցումը հաջող է անցել և վճարումը կատարվել է, գրանցվելուց հետո Ձեր էկրանին կերևա, «Դուք հաջողությամբ գրանցված եք» գրվածքը:

  1. Մարտի 23-ին միանալ մրցույթին՝ սեղմելով «Մուտք» կոճակը և մտնելով համակարգ։
  2. Լրացնել մրցութային թեստը, որը կտեղադրվի մարտի 23-ին Ձեր տարիքային խմբի համար ստորև սահմանված ժամին.

3-4-րդ դասարաններ ժամը՝ 14:30-ից 16:00,

5-6-րդ դասարաններ ժամը՝ 17:00-ից 18:30,

7-8-րդ դասարաններ ժամը  11:00-ից 12.30

9-12-րդ դասարաններ ժամը  11:00-ից 12.30

9. Հարցերի դեպքում կարող եք գրել մեզ՝ kangaroo@contests.am էլ. հասցեով:

 

«Կենգուրու 2024» մրցույթի անցողիկ շեմերը

Լավագույն մրցանակակիր

115-117 միավոր (5-12-րդ դասարանների համար)

91-93 միավոր (3-4-րդ դասարաններ)

Հաղթող

120 միավոր (5-12-րդ դասարաններ)

96 միավոր (3-4-րդ դասարաններ)

«Կենգուրու» մաթեմատիկական մրցույթ

«Կենգուրու» միջազգային մաթեմատիկական մրցույթը տրամաբանական և հետաքրքրաշարժ խնդիրներ ներկայացնող, աշխարհում ամենազանգվածային և ամենասիրված դպրոցական մրցույթն է, որն ամեն տարի նույն օրը անցկացվում է ավելի քան 80 երկրում շուրջ 7 մլն երեխայի մասնակցությամբ: Հայաստանում և Արցախում, «Այբ» կրթական հիմնադրամի ջանքերով, «Կենգուրուի» շարքերը տարեցտարի համալրում են նոր հայ դպրոցականներ, ովքեր մեծ ոգևորությամբ ու հետաքրքրությամբ իրենց ուժերը փորձում են մրցույթում:
«Կենգուրուն» մեծ ոգևորություն առաջացրեց ու շատ արագ վերածվեց ոչ միայն ամենասիրված մրցույթի, այլև իսկական մանկական մաթեմատիկական շարժման:

«Կենգուրուն» տրամաբանական և հետաքրքրաշարժ խնդիրներ ներկայացնող մրցույթ է, որն անցկացվում է առցանց: Մրցույթին կարող են մասնակցել 3-12-րդ դասարանների բոլոր ցանկացող աշակերտները: Լավագույն արդյունքներ ցուցաբերած երեխաներին շնորհվում են պատվոգրեր ու մրցանակներ, իսկ հաղթողները ստանում են նաև գլխավոր մրցանակ` արժեքավոր նվեր կամ ամենամյա միջազգային ամառային ճամբարի ուղեգիր:

Ինչո՛ւ մասնակցել «Կենգուրու» մրցույթին

  • «Կենգուրուն» տրամաբանական է և հետաքրքրաշարժ:
  • Մատչելի է բոլոր երեխաներին` անկախ առաջադիմությունից:
  • Բանաձևերի իմացություն չի պահանջում:
  • Մասնակցության նախապայման (նախնական փուլ) չունի:
  • Անցկացվում է առցանց` երեխաների համար հարազատ միջավայրում:
  • Առցանց մրցույթը նաև նպաստում է համակարգչային գրագիտության հմտությունների զարգացմանը:
  • Բոլոր մասնակիցները ստանում են հավաստագրեր ու փոքրիկ հուշանվերներ:
  • Դպրոցների արդյունքներն իրար հետ չեն համեմատվում:
  • Մրցույթի շնորհիվ մաթեմատիկան առավել գրավիչ ու սիրելի է դառնում: