Մրցույթի մասին
ԿիբեռՔվեստը դպրոցականների համար նախատեսված թիմային կիբեռանվտանգության մրցույթ է։
Մրցույթը հնարավորություն է տալիս բացահայտելու ու զարգացնելու աշակերտների հետաքրքրությունը տեղեկատվական տեխնոլոգիաների և թվային անվտանգության ոլորտում։
Մրցույթի հիմքում ընկած են հիմնականում տրամաբանական և հետաքրքրաշարժ խնդիրներ և գլուխկոտրուկներ, որոնք միտված են զարգացնել դպրոցականների մոտ տրամաբանությունը, քննադատական մտածողությունը, անվտանգ համացանցային միջավայրում աշխատելու հմտությունները։
ՄՐՑՈՒՅԹԻ ԱՌՑԱՆՑ ՓՈՒԼԻ ՄԱՍՆԱԿՑՈՒԹՅԱՆ ԿԱՐևՈՐ ՆԱԽԱՊԱՅՄԱՆ Է ՀԱՄԱԿԱՐԳՉԻ ԱՌԿԱՅՈՒԹՅՈՒՆԸ։
Մրցույթի կարգին կարող եք ծանոթանալ այստեղ՝ ՄՐՑՈՒՅԹԻ ԿԱՆՈՆՆԵՐ
Ովքե՞ր կարող են մասնակցել «ԿիբեռՔվեստ» մրցույթին
6–9-րդ դասարանների աշակերտների համար՝ Հայաստանի մարզերից և Երևանից։
Թիմի կազմը
5 աշակերտ + 1 մարզիչ (ՏՏ, մաթեմատիկա կամ այլ առարկայի ուսուցիչ)
Մասնակցությունն ամբողջությամբ անվճար է։
📅 Կարևոր ժամկետներ
📌 Գրանցում՝ մինչև դեկտեմբերի 12
💻 I փուլ – առցանց թեստավորում՝ դեկտեմբերի 14
6-7-րդ դասարանի աշակերտներ – 12:30 – 13:30
8-9-րդ դասարանի աշակերտեր – 15:30 – 16:30
🎯 II փուլ – եզրափակիչ թիմային փուլ՝ դեկտեմբերի 25, Երևանում։
📥 Ինչպե՞ս գրանցվել
- Ստեղծել 5 հոգուց բաղկացած թիմ
- Ընտրել թիմի անունը և ավագին
- Լրացնել թիմի գրանցման հայտը՝ https://forms.gle/mbaT61P6PrFJxiXYA
- Առցանց թեստային փուլին մասնակցելու համար գրանցել և մասնակցել առանձին-առանձին թեստային հարթակում, որի հղումը կուղարկվի թիմերի հայտը լրացրած մասնակիցների էլ․ հասցեներին։
Հարցերի դեպքում կարող եք գրել՝ ✉️ cyberquest@contests.am
Կամ զանգահարել՝ 📞 +374 91 911060
Կամ գրել՝ +374 96 868011 (WhatsApp, Viber)
🏆 Ի՞նչ կտա այս մրցույթը
– Տրամաբանական խնդիրներ լուծելու հմտություն
– ՏՏ գիտելիքներ
– Թիմով աշխատելու հմտություն
– Արժեքավո մրցանակներ՝ հաղթող թիմերին և մարզիչներին
– Հավաստագրեր՝ բոլոր թեստային փուլին մասնակցած աշակերտներին
– Հավաստագրեր՝ մարզիչ ուսուցիչներին
– Նոր ընկերներ և նոր գիտելիքներ
🧠 Ի՞նչ տեսակի խնդիրներ կլինեն առցանց փուլում
Առցանց փուլը կայանալու է դեկտեմբերի 14-ին։ Այն բաղկացած է 20 հետաքրքիր, բազմաբնույթ խնդիրներից՝
➕ Տրամաբանական գլուխկոտրուկներ ( նման «Կանգարու» միջազգային մաթեմատիկական մրցույթից)
https://contests.am/tests-kangaroo/
🐝 Մտածողությունը զարգացնող կարճ հանելուկներ ( նման «Մեղու» մրցույթից)
🛡️ Կիբեռանվտանգության հիմունքներ՝ ֆիշինգ, սպամ, կիբեռհիգիենա, վնասակար ծրագրեր և այլն:
https://contests.am/wp-content/uploads/2021/02/Կիբեռանվտանգության-տերմիներ.pdf
✅ Առաջին փուլը առցանց, 60 րոպե, գնահատվում է թիմի ընդհանուր միավորի հիման վրա
✅ Երկրորդ փուլը՝ առկա ձևաչափով, ներառելու է իրավիճակային խնդիրներ, տրամաբանական գլուխկոտրուկներ և տարաբնույթ առաջադրանքներ
Թիմի բոլոր անդամները պետք է մասնակցեն առցանց փուլին անհատապես, որից հետո կընտրվեն լավագույն 20 թիմերը եզրափակչի համար։
Մրցույթի նպատակներներն են՝
- Զարգացնել աշակերտների թվային գրագիտությունը և կիբեռանվտանգության հիմնական գիտելիքները
- Զգոնություն ձևավորել համացանցում անվտանգ և պատասխանատու վարքի նկատմամբ
- Զարգացնել վերլուծական մտածողությունն ու խնդիրներ լուծելու ունակությունները
- Զարգացնել թիմային աշխատանքն ու հաղորդակցման հմտությունները
- Ներգրավել ուսուցիչներին և դպրոցներին ՏՏ կրթության խթանման գործընթացում
- Նպաստել աշակերտների մասնագիտական կողմնորոշմանն ու հետագա մասնագիտության ընտրությանը
______________________________________________________
«ԿիբեռՔվեսթ» մրցույթը կազմակերպվում է ՀՀ բարձր տեխնոլոգիական արդյունաբերության և արհեստական բանականության նախարարություն և Հայաստանի տեղեկատվական համակարգերի գործակալության նախաձեռնությամբ և իրականացվում է «Քոնթեստս Լաբ» կրթական ՀԿ-ի կողմից։
Մրցույթի հովանավորներ և աջակիցներ


