2016 թվականից Հայաստանում անցկացվել է աշխարհահռչակ մրցույթներից՝ Ռոբոտների համաշխարհային օլիմպիադան (ՌՀՕ, World Robot Olympiad, WRO) «Այբ» կրթական հիմնադրամի կողմից։ 2023 թվականից ՌՀՕ-ի հայաստանյան ներկայացուցիչը և ազգային փուլի միակ և պաշտոնական կազմակերպիչը «Քոնթեսթս Լաբ» կրթական ՀԿ-ն է։
Այժմ «Քոնթեսթս Լաբ»-ն այս օլիմպիադայով ձգտում է խթանել մեր դպրոցներում ռոբոտաշինության, ծրագրավորման ու ճարտարագիտության դասավանդումը, ինչպես նաև աջակցել, որ հայ աշակերտներն ավելի ակտիվ մասնակցեն միջազգային հայտնի ու սիրված մրցույթներին և օլիմպիադաներին։
Ռոբոտների համաշխարհային օլիմպիադայի նպատակներն են․
- Ներգրավել աշակերտներին գործնական գիտական գործունեության մեջ։
- Հետաքրքրել հատկապես մաթեմատիկայի, ծրագրավորման և ֆիզիկայի նկատմամբ՝ նպաստելով միջառարկայական կապերի ընդլայնմանը։
- Զարգացնել աշակերտների տրամաբանությունը և ճարտարագիտական ունակությունները։
- Խթանել թիմային աշխատանքի հմտությունները։
- Նպաստել տեսական գիտելիքների գործնական կիրառմանը։
- Բացահայտել և խորացնել աշակերտների ստեղծագործ միտքը և ստեղծագործական կարողությունները։
ՄԱՍՆԱԿՑՈՒԹՅԱՆ ՊԱՅՄԱՆՆԵՐ ԵՎ ԿԱՐԵՎՈՐ ԱՄՍԱԹՎԵՐ
ՌՀՕ-ն թիմային մրցույթ է։ Յուրաքանչյուր թիմում կարող է լինել 2–3 մասնակից։ Մրցույթին կարող են մասնակցել 8–19 տարեկան աշակերտներ՝ համապատասխան տարիքային մակարդակներում։
Կարևոր ամսաթվեր
- • Գրանցման վերջնաժամկետ՝ 2026 թ. մայիսի 20
- • Ազգային փուլ՝ 2026 թ. հուլիսի 19
- • Բաց մրցաշար՝ 2026 թ. հոկտեմբերի 13–16, Խորվաթիա
- • Միջազգային եզրափակիչ՝ 2026 թ. դեկտեմբերի 8–10, Պուերտո Ռիկո
ՌՀՕ 2026 ԹԵՄԱՆ է ` ՌՈԲՈՏՆԵՐԸ ԵՎ ՄՇԱԿՈՒՅԹԸ
2026-ին թիմերը ուսումնասիրելու են, թե ինչպես կարող են ռոբոտները ձևավորել, պահպանել և զարգացնել արվեստն ու մշակույթը։ Մարդիկ միշտ օգտագործել են ստեղծարարությունը՝ պատմություններ պատմելու, ավանդույթներ պահպանելու և փոփոխություն ներշնչելու համար։
Ռոբոտները դարձել են ստեղծագործ գործընկերներ և մշակութային ժառանգության պաշտպաններ՝ վերակենդանացնելով հին արվեստը, ստեղծելով նոր ձևեր և դարձնելով մշակութային արժեքները առավել հասանելի բոլորի համար։ Նրանք նաև հնարավորություն են տալիս համայնքներին նոր ձևով ներկայացնել իրենց պատմությունները։
Երբ ռոբոտները հանդիպում են մշակույթին՝ բացվում են անսահման հնարավորություններ։
ԱՊԱԳԱ-ՆՈՐԱՐԱՐՆԵՐ
ՀԱՐՑ ԵՎ ՊԱՏԱՍԽԱՆ
«Հարց և պատասխան» բաժնում ներկայացված պատասխանները պետք է դիտարկվեն որպես հիմնական կանոնների լրացումներ և կիրառվելու են ՌՀՕ ազգային և միջազգային փուլերում։
ՌՈԲՈ-ԱՌԱՔԵԼՈՒԹՅՈՒՆ
Հարց․ «Ռոբո-առաքելություն» ընդհանուր կանոնի 5.2.3 կետում նշված է, որ էլեկտրական բաղադրիչների առավելագույն լարումը պետք է լինի ≤ 14 Վ։ Հնարավո՞ր է արդյոք փոփոխել այս սահմանափակումը, որպեսզի թիմերը կարողանան օգտագործել ստանդարտ 4-բջջանի լիթիում-իոնային մարտկոցներ՝ յուրաքանչյուր բջիջը 3.7 Վ։
Պատասխան․
Այո, կանոնը թարմացվել է հետևյալ կերպ․
- Մարտկոցի թույլատրելի առավելագույն լարումը թարմացվել է մինչև 14.8 Վ՝ որպես անվանական արժեք։
- 4 Ա հոսանքի սահմանափակումը հանվել է։
- Մարտկոցի առավելագույն տարողությունը մնում է անփոփոխ՝ 6000 մԱ·ժ։
Հարց․ Թույլատրվո՞ւմ է երկու հաբ/սարքակառավարիչ միացնել օպտիկական կապով, օրինակ՝ մեկ հաբի լուսադիոդի և երկրորդ հաբի գույնի տվիչի միջոցով։
Պատասխան․
Այո, հաբերի կամ սարքակառավարիչների նման օպտիկական կապը թույլատրված է, եթե այն չի կարող օգտագործվել ռոբոտից դուրս գտնվող աղբյուրից տեղեկություն փոխանցելու համար։
- Սա չի համարվի անլար կապ՝ կանոններում նշված սահմանափակման իմաստով։
- Եթե թիմն օգտագործում է նման կապ, պետք է ապահովի, որ կանգնեցման/ավարտի կոճակը սեղմելիս երկու հաբերը կամ սարքակառավարիչներն էլ դադարեցնեն աշխատանքը։
“`
ԱՊԱԳԱ-ՆՈՐԱՐԱՐՆԵՐ
Հարց․ Թիմերին թույլատրվո՞ւմ է իրենց լուծման ցուցադրության ընթացքում ջրից բացի այլ հեղուկներ բերել։
Պատասխան․
Այո։ Հաշվի առնելով այս տարվա թեման՝ թիմերը կարող են ցուցադրության նպատակով բերել ընդհանուր մինչև
1 լիտր ոչ վտանգավոր հեղուկ նյութեր։
- Դրանք կարող են ներառել, բայց չեն սահմանափակվում հետևյալով՝ գունավորված ջուր, ոչ թունավոր ներկ, գելեր կամ սննդային հեղուկներ, օրինակ՝ օշարակ կամ յուղ, եթե դրանք անվտանգ են և որևէ ռիսկ չեն առաջացնում։
- Թիմերը պետք է նաև բերեն համապատասխան պաշտպանիչ ծածկոցներ, որպեսզի միջոցառման վայրում խուսափեն հեղուկի թափվելուց կամ բծեր առաջացնելուց։
“`
ՌՀՕ ԷԹԻԿԱՅԻ ԿԱՆՈՆՆԵՐ ԵՎ ՎԱՐՔԱԿԱՆՈՆ
ՌՀՕ վարքականոսի հիմնական սկզբունքներն են․
- Մասնակցելն ու սովորելը ավելի կարևոր է, քան հաղթելը։
- Թիմերը խրախուսվում են սովորել և ձեռք բերել նոր հմտություններ՝ աշխատելով միասին ու հաճույք ստանալով գործընթացից։
- Մարզիչները, կրթական կառույցները և ծնողները թիմերին միայն ուղղորդելու և կրթելու համար են, ոչ թե նրանց փոխարեն աշխատանք կատարելու։
«Կարևոր է ոչ թե հաղթելը կամ պարտվելը, այլ թե որքա՛ն կսովորես»։
Վարքականոնը թիմերն և մարզիչները, ինչպես նաև կրթական կառույցների ներկայացուցիչները պետք է ստորագրեն և ներկայացնեն մրցույթի ազգային փուլի ժամանակ։ Վարքականոնի չներկայացնելը կամ պահանջների խախտումը կարող է հանգեցնել թիմի կամ կառույցի մասնակցության արգելքի։
WRO-Learn ԿՐԹԱԿԱՆ ՀԱՐԹԱԿ
Ի՞նչ է WRO Learn -ը
WRO Learn -ը ՌՀՕ-ի կողմից մշակված անվճար առցանց կրթական հարթակ է, որի նպատակն է ռոբոտաշինությունը հասանելի դարձնել աշակերտների, մարզիչների և ուսուցիչների համար։ WRO Learn -ը նպատակ ունի դառնալ համաշխարհային ՌՀՕ համայնքի նախընտրելի առցանց կրթական հարթակը՝ տրամադրելով կառուցվածքային կրթական բովանդակություն և ռեսուրսներ, որոնք բարձրացնում են մասնակցող թիմերի, մարզիչների և դատավորների փորձը։
ՀԱՄԱԳՈՐԾԱԿԻՑ ԿԱՌՈՒՅՑՆԵՐ
Մենք շնորհակալություն ենք հայտնում բոլոր կազմակերպություններին՝ այս ծրագրի իրականացմանը երբևէ աջակցելու համար։
ՊԱՏԿԵՐԱՍՐԱՀ
